اسلام آباد(مانیٹرنگ ڈیسک)دہشتگرد ایک اور وار کر گئے، تربت میں مسلح افراد کی فائرنگ سے 5اہلکار شہید۔ تفصیلات کے مطابق تربت کے علاقے شاپوک میں سکیورٹی فورسز کی گاڑی پر دہشتگردوں نے گھات لگا کر حملہ کر دیا۔ فائرنگ اور گاڑی الٹ جانے کے باعث 5اہلکار شہید جبکہ 6شدید زخمی ہو گئے۔ میتیں اور زخمی تربت
ہسپتال منتقل کر دئیے گئے ہیں جبکہ سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔ نو منتخب وزیراعلیٰ بلوچستان عبدالقدوس بزنجو نے سکیورٹی فورسز کی گاڑی پر حملے کی شدید مذمت کرتے ہوئے کہا کہ دہشتگرد چھپ کر بزدلانہ کارروائیاں کر رہے ہیں اور ملکی ترقی کو روکنا چاہتے ہیں۔
