اسلام آباد(مانیٹرنگ ڈیسک) پاکستان مسلم لیگ (ن) کے سربراہ سابق وزیراعظم میاں محمد نواز شریف ، ان کی صاحبزادی مریم نواز اور کیپٹن ریٹائرڈ محمد صفدر کیخلاف نیب ریفرنسز کی سماعت منگل کو احتساب عدالت یں ہوگی۔ منگل کو ہونیوالی کیس کی سماعت جج محمد بشیر کرینگے۔ سابق وزیراعظم میاں محمد نواز شریف اسلام آباد کے پنجاب ہاؤس میں پہنچ چکے ہیں اور منگل کو
احتساب عدالت میں پیش ہونے کا امکان ہے۔ ذرائع کے مطابق سابق وزیراعظم محمد نواز شریف کی عدالت میں پیشی کے بعد پنجاب ہاؤس میں پاکستان مسلم لیگ (ن) کے مرکزی رہنماؤں کا اجلاس ہوگا جس کی صدارت سابق وزیراعظم محمد نواز شریف کرینگے۔ اجلاس میں شریف خاندان کیخلاف نیب ریفرنسز کی سماعت بلوچستان کی موجودہ صورتحال سمیت مختلف امورپر تبادلہ خیال کیا جائے گا۔
