لاہور( این این آئی)سانحہ ماڈل ٹائون پر عوامی تحریک کی اے پی سی کی جانب سے وزیر اعلیٰ پنجاب اور وزیر قانون کو مستعفی ہونے کیلئے 7جنوری کی ڈیڈ لائن ختم ہو گئی ،آئندہ کے لائحہ عمل کیلئے سٹیئرنگ کمیٹی کا اجلاس آج ( پیر) کے روز طلب کر لیا گیا ۔عوامی تحریک کی جانب سے 30دسمبر کو لاہور میں طلب کی جانے والی آل پارٹیز کانفرنس کے اعلامیے میں سانحہ ماڈل ٹائون پر وزیر اعلیٰ پنجاب شہباز شریف اور وزیر قانون رانا ثنا اللہ کو مستعفی ہونے کیلئے 7جنوری کی ڈیڈ لائن دے کر تمام جماعتوں کے رہنمائوں

پر مشتمل سٹیئرنگ کمیٹی کا قیام عمل میں لایا گیا تھا ۔ عوامی تحریک کے سیکرٹری جنرل خرم نواز گنڈا پور کے مطابق سٹیئرنگ کمیٹی کے آج پیر کے روز ہونے والے اجلاس میں تمام ممبران شریک ہوں گے۔ اجلاس میں احتجاج کے طریق کار اورقانونی پہلوئوں پر غور غور کیا جائے گا ۔ انہوںنے کہاکہ آئندہ دھرنا دینا ہے یا ملک بھر میںاحتجاج کرنا ہے اس کا فیصلہ سٹیرنگ کمیٹی نے کرنا ہے ۔ انہوںنے کہا کہ حصول انصاف کیلئے پر امن احتجاج ہمارا آئینی و قانونی حق ہے اور آج ہونے والے اجلاس میں اسی پر غور کیا جائے گا۔