کھوئی رٹہ /سیری(سی پی پی)جنگی جنون میں مبتلاء بھارتی فوج کی کھوئی رٹہ سیکٹر پر بلا اشتعال فائرنگ اور گولہ باری ، متعدد گولے رہائشی آبادیوں کے قریب آگرے ،گھروں کی کھڑکیاں اور دروازوں کے شیشے ٹوٹ گئے جبکہ پاک فوج کی منہ توڑ جوابی کارروائی سے دشمن کی گنیں خاموش ہو گئیں۔ہفتہ کو موصولہ اطلاعات کے مطابق کھوئی رٹہ سیکٹر کے سرحدی گاؤں ٹائیں ، کس جمیری ، بھینس گالہ، کین ٹھی میں بھارت نے
رات گئے بلااشتعال فائرنگ اور گولہ باری کا سلسلہ شروع کیا جو علی الصبح تک جاری رہا اس دوران بھارتی فوج کی جانب سے سول آبادیوں کو نشانہ بنایا تاہم کسی جانی و مالی نقصان کی اطلا ع موصول نہیں ہوئی۔بھارتی فوج کی جانب سے کی گئی گولہ باری سے گھروں کی کھڑکیاں دروازے لرز اٹھے اور شیشے ٹوٹ گئے جبکہ پاک فوج نے بھرپور جوابی کاروائی کرتے ہوئے دشمن کی پوسٹوں کو نشانہ بنایا جس کے بعد دشمن کی گنیں خاموش ہو گئیں ۔
