سرگودھا( این این آئی) وزیر مملکت برائے مزہبی امور پیر امین الحسنات نے کہا کہ سجادہ نشین پیر حمیدالدین سیالوی کے رانا ثنااللہ کے استعفیٰ کے مطالبہ پر ان کی مکمل تائید کرتا ہوں۔پیر امین الحسنات نے میڈیا سے بات چیت کرتے ہوئے کہا کہ پیر حمیدالدین سیالوی میرے پیر ہیں اور میں انکا مرید ہوں, ان کی غلامی کے لیے کچھ بھی کرنے کو تیار ہوں۔انہوں نے
کہا کہ سیال پیر خانے سے جب بھی حکم ہوا تو مستعفی ہو نے میں دیر نہیں ہو گی۔ تحفظ ختم بنوت کے لئے کسی قربانی سے دریغ نہیں۔ اس مسئلہ پر پیر سیال کے مطالبہ اور موقف کی مکمل حمائت کرتا ہوں۔ انہوں نے کہا کہ مشکلات کا شکار حمید الدین سیالوی نہیں ان کے مخالفین ہیں,وزیر مملکت نے بتایا کہ پیر آف سیال کو تو منانے کے لیے پوری حکومتی مشینری سرگرم ہے۔
