اسلام آباد (مانیٹرنگ ڈیسک) وفاقی وزیر دفاع انجینئر خرم خان دستگیر نے کہا ہے کہ پاکستان دہشتگردی کیخلا ف جنگ میں امریکہ کا اتحادی رہا ہم نے انہیں فوجی اڈے ،زمینی و ہوائی مواصلات فراہم کیں لیکن بدلے میں ہمیں صرف نفرت اور بداعتمادی ملی۔ امریکہ افغانستان میں دہشت گردوں کی پناہ گاہوں کو نظر انداز کررہا ہے۔امریکی صدر ڈونلڈ ٹرمپ کے بیان پر ردعمل دیتے ہوئے وفاقی وزیر دفاع انجینئر خرم خان دستگیر نے کہا کہ پاکستان کی مدد سے امریکہ 16سال سے القاعدہ

کو تباہ کر رہا ہے۔ انہوں نے کہا کہ پاکستان دہشت گردی کیخلاف جنگ میں امریکہ کا اتحادی رہا ہے، انہوں نے کہا کہ ہم نے امریکہ کو فوجی اڈے، زمینی وہوائی مواصلات فراہم کیں لیکن ہمیں بدلے میں صرف نفرت اور بد اعتمادی ملی ہے۔ انہوں نے کہا کہ امریکہ افغانستان میں دہشتگردوں کی پناہ گاہوں کونظرانداز کرتا ہے جبکہ افغانستان میں موجود دہشت گرد پاکستانیوں کو قتل کرتے ہیں۔ خرم خان دستگیر نے کہا کہ پاکستان کی مددسے امریکہ 16سال سے ا لقاعدہ کو تباہ کر رہا ہے۔