اسلام آباد/نئی دہلی (مانیٹرنگ ڈیسک) پاکستان اور بھارت کے درمیان سفارتی سطح پر ایک دوسرے کے قیدیوں اور ایٹمی تنصیبات کی فہرستوں کا تبادلہ ہوا ہے۔دفتر خارجہ کی جانب سے جاری بیان کے مطابق پاکستان اور بھارت کے درمیان 21 مئی 2008 کے قونصلر رسائی معاہدے کے تحت دونوں ملک ہر سال یکم جنوری اور یکم جولائی کو فہرستوں کا تبادلہ کرتے ہیں، پاکستان نے بھارتی قیدیوں کی فہرست اسلام آباد میں بھارتی ہائی کمیشن کو فراہم کی ہے جبکہ بھارت پاکستانی

قیدیوں کی فہرست نئی دہلی میں پاکستانی ہائی کمیشن کو فراہم کریگا۔فہرست کے مطابق اس وقت پاکستان کی مختلف جیلوں میں457 بھارتی مختلف جرائم کی سزا کاٹ رہے ہیں ٗان قیدیوں میں سمندری حدود کی خلاف ورزی کرنے والے 399 ماہی گیر اور 58 عام شہری شامل ہیں ٗپاکستان 8 جنوری کو 146 ماہی گیروں کو رہا کردیگا۔دوسری جانب بھارتی وزارت خارجہ نے کہا کہ دونوں ممالک کے درمیان اسلام آباد اور نئی دہلی میں قائم ہائی کمیشن کی سطح پر فہرستوں کا تبادلہ ہوا ہے۔