اسلام آباد(مانیٹرنگ ڈیسک)دفاع پاکستان کونسل کے جلسے میں شرکت فلسطینی سفیر کو مہنگی پڑ گئی ،ولید ابو علی کو واپس فلسطین واپس بلوا لیا گیا۔نجی ٹی وی کے مطابق گزشتہ روز راولپنڈی میں تحفظ القدس کے حوالے سے ایک جلسہ منعقد کیا گیا تھا۔جلسہ دفاع پاکستان کونسل کے زیر اہتمام منعقد کیا گیا تھا۔جلسے میں دفاع پاکستان کونسل کی قیادت کے علاوہ فلسطینی سفیرنے بھی اس جلسے

میں شرکت کی تھی۔معلوم ہوا ہے کہ فلسطینی سفیر ولید ابو ولی کو دفاع پاکستان کونسل کی قیادت نے بطور خاص مدعو کیا تھا لیکن تازہ ترین اطلاعات کے مطابق انہیں رملہ واپس بلا لیا گیا ہے ۔نجی ٹی وی کے مطابق فلسطین نے یہ اقدام بھارتی دبائو میں آکر اٹھا یا ہے ۔واضح رہے کہ اس جلسے میں حافظ سعید بھی شریک تھے جس پر بھارت کی جانب سے انگلیاں اٹھائی جاتی رہی ہیں۔