لاہور (این این آئی) مسلم لیگ(ن) کے مرکزی رہنماورکن قومی اسمبلی حمز ہ شہباز نے کہا ہے کہ آئندہ انتخابات مشکوک دکھائی دے رہے ہیں مگر اللہ کرے کہ وقت پر ہو جائیں ، سانحہ ماڈل ٹاؤن کے حوالے حقائق جلد سامنے آجائیں گے ۔ گزشتہ روز حمزہ شہباز رکن پنجاب اسمبلی غزالی سلیم بٹ کی رہائش گاہ پہنچے اور انہیں بیٹے کی شاد ی پر مبارکباد دی ۔ اس موقع پر دونوں کے درمیان سیاسی صورتحال پر بھی تبادلہ خیال ہوا ۔ حمزہ شہباز نے کہا کہ اللہ کرے کہ آئندہ عام انتخابات اپنے مقررہ وقت پر ہو جائیں اور جیت انشاء اللہ حق اور سچ کی ہو گی ۔انہوں نے کہا کہ سانحہ ماڈل ٹاؤن کے حوالے حقائق جلد سامنے آجائیں گے ۔