ملتان (مانیٹرنگ ڈیسک)عوامی مسلم لیگ کے سربراہ شیخ رشید نے ایک بار پھر مسلم لیگ (ن) کو تنقید کا نشانہ بناتے ہوئے کہا ہے کہ اگر پاکستان کے تمام سیاستدان مر جائیں تو بھی نواز شریف نے شہباز شریف کو وزیراعظم نہیں بننے دینا۔ملتان میں میڈیا سے بات چیت کرتے ہوئے شیخ رشید نے کہاکہ نواز شریف کا وزیراعظم بن بن کر بھی دل نہیں بھرا ٗ نواز شریف کا ایجنڈا ہے کہ انہیں عدالتوں سے سزا نہ ہو اور الیکشن دو سال کیلئے ملتوی ہو جائیں، لیکن ہم چاہتے ہیں کہ الیکشن ہوں اور اداروں
کو آنکھیں دکھانے والوں کا سدباب ہو۔سربراہ عوامی لیگ نے کہا کہ نواز شریف عدلیہ کو للکار کر جمہوریت کی خدمت نہیں کر رہے، انہیں یہاں تک مریم بی بی لیکر آئیں ہیں اور اگلا کام بھی وہ خود ہی کردیں گی۔ایک سوال کے جواب میں شیخ رشید کا کہنا تھا کہ طاہر القادری کا نام ای سی ایل میں آنے سے پہلے ہی نوازشریف کا ایگزٹ کنٹرول لسٹ میں آ جائے گا۔شیخ رشید احمد نے کہاکہ حدیبیہ پیپر ملز کا کیس تیار کر لیا ہے جس کا اعلان ڈیرہ غازی خان کے جلسے میں اعلان کروں گا۔
