اسلام آباد (این این آئی) بھارتی دہشتگرد کلبھوشن جادیو کی اہلیہ اور والدہ نے دفتر خارجہ پہنچے پر گاڑی سے اتر کر میڈیا کے نمائندوں کو پر نام کیا ۔ بھارتی دہشتگرد سے ملاقات کیلئے آنے والی ان کی اہلیہ اور والدہ نے گاڑی سے اتر کر میڈیا کے نمائندوں کو پرنام کیا جس کے بعد

وہ دفتر خارجہ کے اندر چلی گئیں ۔بھارتی جاسوس سے چالیس منٹ تک ملاقات کے بعد دونوں باہر آئیں اور کچھ دیر گاڑی کا انتظار کیا اس موقع پر بھارتی جاسوس کی والدہ نے دفتر خارجہ کے ترجمان ڈاکٹر محمد فیصل کو بھی پرنام کیا اور ان کا شکریہ ادا کیا ،بھارتی دہشتگرد اور جاسوس کلبھوشن یادیو کی والدہ اور اہلیہ سے ملاقات چالیس منٹ جاری رہی ۔تفصیلات کے مطابق بھارتی دہشتگرد کلبھوشن جادیود سے اہلیہ اور والدہ کی دفتر خارجہ میں ملاقات کرائی گئی۔جاسوس کلبھوشن کی والدہ، اہلیہ اور بھارتی ڈپٹی ہائی کمشنر جے پی سنگھ ایک بجکر 25 منٹ پر دفتر خارجہ پہنچے ان کی ملاقات تقریباً چالیس منٹ جاری رہی ۔ذرائع کے مطابق بھارتی دہشتگرد کلبھوشن یادیو کی والدہ اور اہلیہ شیشے کے ایک طرف جبکہ کلبھوشن جادیو شیشے کے دوسری طرف موجود تھا اس دور ان گفتگو کیلئے انٹر کام کی سہولت فراہم کی گئی ۔دفتر خارجہ نے بھارتی دہشتگرد سے والدہ اور اہلیہ کی ملاقات کی تصاویر بھی جاری کیں  بھارتی دہشتگرد کلبھوشن جادیو کی اہلیہ اور والدہ نے دفتر خارجہ پہنچے پر گاڑی سے اتر کر میڈیا کے نمائندوں کو پر نام کیا ۔