اسلام آباد(آن لائن)بھارتی جاسوس کلبھوشن یادیو کی اہلیہ اور والدہ کے کپڑے اور میک اپ کوسیکورٹی وجوہات کی بنیاد پر تبدیل کروایا گیا سیکورٹی ماہرین کے مطابق بھارتی جاسوس کی اہلیہ اور والدہ جب دفتر خارجہ پہنچیں تو ان کے کپڑے مختلف تھے جبکہ یادیو کی اہلیہ نے میک اپ کررکھا تھا مگر دفتر خارجہ کی جانب سے ملاقات جو تصاویر جاری کی گئیں تو ان میں دونوں خواتین کا حلیہ تبدیل تھا-ماہرین کے مطابق اس انتہائی غیر
معمولی ملاقات میں یہ معمولی بات ہے-دریں اثناجب وہ ملاقات کرکے باہر نکلے تو بھارتی ڈپٹی ہائی کمشنر جے پی سنگھ نے کلبھوشن یادیو کی اہلیہ اور والداہ کو صحافیوں سے بات چیت کرنے سے روکا اور پاکستانی حکام سے مطالبہ کیا کہ وہ چل کر گاڑی کی طرف نہیں جائیں گے بلکہ ان کی گاڑی کی دروازے پر منگوائی جائے اس دوران صحافی بلند آوازمیں سوالات کرتے رہے مگر بھارتی ڈپٹی ہائی کمشنر انہیں گاڑی میں بیٹھا کر وہاں سے روانہ ہوگئے۔
