اسلام آباد(مانیٹر نگ ڈیسک) شیخ نے ایک دس ملین کی ٹرانزیکشن دی ہے جس کا کوئی دستاویزی ریکارڈ نہیں ہے اور انہوں نے اسے کیش کی صورت میں لیا ہے،سینئر صحافی اور اینکر پرسن محمد مالک نے نجی ٹی وی پروگرام میں اظہار خیال کرتے ہوئے انکشاف کیا ہے کہ اسحاق ڈار اب لندن میں بھی نہیں رہیں گے وہ سعودی عرب جارہے ہیں۔ان کا 3سال کا بھی ویزہ لگ چکا ہے۔وہ لندن میں کافی پریشان ہیں۔

ان کی فیملی بھی متحدہ عرب امارات میں پریشان ہے۔ان کے بیٹے اور دیگر بھی لندن آچکے ہیں۔کیونکہ متحدہ عرب امارات میں بہت سیریس یشوز بن چکے ہیں۔محمد مالک نے انکشاف کیا کہ شیخ نے ایک دس ملین کی ٹرانزیکشن دی ہے جس کا کوئی دستاویزی ریکارڈ نہیں ہے اور انہوں نے اسے کیش کی صورت میں لیا ہے۔پروگرام کے دوران انہوں نے مزید کہا کہ النیہان فیملی ان سے بالکل تعاون نہیں کر رہی۔انہوں نے پاکستان کی ایک دو بڑی شخصیات سے بھی کہا ہے کہ وہ ان کی طرف سے بات کریں لیکن انہوں نے بھی انکار کردیا۔دریں اثناء سابق وزیر خزانہ اسحاق ڈار کی ایم آر آئی رپورٹ کے مطابق ان کی گردن کے کئی مہروں کی درمیانی ڈسک پھیل گئی ہیں ٗگزشتہ روز اسحاق ڈار کی کمر کی ایم آر آئی کی گئی تھی جس کی رپورٹ آگئی ہے۔ذرائع کے مطابق ڈاکٹروں نے اسحاق ڈار کو ہسپتال میں داخل ہونے کی ہدایت کی ہے جبکہ پہلے مرحلے میں دواؤں اور انجکشن سے علاج کرنے کی کوشش کی جائیگی اور اگر دواؤں اور انجکشن سے فرق نہ پڑا تو اسحاق ڈار کی ریڑھ کی ہڈی کا آپریشن کیا جائیگا۔خیال رہے کہ اسحاق ڈار کو آمدن زائد اثاثے بنانے کے کیس کا سامنا ہے اور چند روز قبل احتساب عدالت نے اپنے بیان میں کہا تھا کہ اسحاق ڈار کو ایسی کوئی تکلیف نہیں جس کا علاج پاکستان میں نہ ہو سکے جبکہ اسحاق ڈار گزشتہ ماہ سے علاج کی غرض سے لندن میں موجود ہیں۔