اسلام آباد (مانیٹرنگ ڈیسک)معروف صحافی اور اینکر پرسن مبشر لقمان نے نجی ٹی وی پروگرام میں گفتگو کرتے ہوئے انکشاف کیا کہ مریم نواز اپنے نوکروں کو پیسے دیکر احتجاج کروا رہی ہیں ۔پروگرام کے دوران مبشر لقمان نے مریم نواز اور نواز شریف کی ایک نوجوان کے ساتھ تصاویر بھی دکھائیں جس کے بعد انہوں نے بتایا کہ نیبکے باہر احتجاج کرنے والوں میں یہ نوجوان بھی شامل تھا انہوں نے مخاطب کرتے ہوئے کہا کہ مریم نواز آپ غلط ہیں آپ کے والد نے چوری کی اور آپ کو کسی نے بتایا نہیں۔
آپ خود بھی بینفشری ہیں ایک ارب روپے آپ کے پاس سے بھی نکل آئے ہیں ۔ مبشر لقمان کا کہنا تھا کہ نہال ہاشمی سے جو تقریر کروائی گئی تھی وہ نواز شریف نے نہیں کروائی تو کس نے کروائی تھی کیونکہ اب مریم نواز کہتی ہیں کہ نہال ہاشمی کی رکنیت بالکل بحال ہونی چاہئیے اور اس کے لیے انہوں نے اپنے نوکر سے ہی نہال ہاشمی کی رکنیت بحالی سے متعلق ٹویٹ کروایا اور خود ہی اس کے جواب میں لکھا کہ بالکل ہونی چاہئیے۔
