اسلام آباد(نیوزڈیسک)جنرل قمر باجوہ کی وزیراعظم اورمولانا فضل الرحمان سے ملاقات،فاٹا کی خیبرپختونخوامیں شمولیت کے بارے میں بڑی یقین دہانی کروادی گئی، تفصیلات کے مطابق آرمی چیف جنرل قمر باجوہ نے وزیراعظم شاہت خاقان عباسی اور مولانا فضل الرحمان سے ملاقات کی ہے ملاقات میں ڈی جی آئی ایس آئی اورڈی جی ایم او بھی شریک تھے ،
اس موقع پر فاٹا کی خیبر پختونخوا میں شمولیت سمیت فاٹا میں اصلاحات سے متعلق امورپر غور کیاگیا، ذرائع کے مطابق مولانا فضل الرحمان نے فاٹا اصلاحات سے متعلق اپنے موقف سے آرمی چیف اور وزیراعظم کو آگاہ کیا ، ملاقات تقریباً ڈیڑھ گھنٹے تک جاری رہی جس میں آرمی چیف اور وزیراعظم نے مولانافضل الرحمان کو ان کے تحفظات دورکرانے کی یقین دہانی کرائی، مولانا فضل الرحمان نے اس اہم ترین ملاقات کے بعد میڈیا سے گفتگو کرتے ہوئے کہا ہے کہ عسکری حکام سے فاٹا کے معاملے پرمزید ملاقات کی ضرورت نہیں،فی الحال کوئی حتمی فیصلہ نہیں ہوا بات چیت کا عمل جاری ہے۔
