لاہور(آئی این پی) تحر یک انصاف کے مستعفی جنرل سیکرٹری جہانگیر خان تر ین کو عمران خان پر ’’شک ‘‘کاانکشاف ‘عمران خان کے پرزور مطالبے کے باوجود جہانگیر خان ترین نے استعفیٰ لینے سے انکار کر دیا انکو منانے کی کوشش بھی ناکام ہوگئیں۔ میڈیارپورٹس کے مطابق جہانگیر خان ترین کے علم میں دسمبر کے پہلے ہفتے میں یہ بات آئی ہے کہ تحر یک انصاف نے چےئر مین عمران خان کیلئے اپنا جہاز خریدنے کیلئے ایک کمپنی سے رابطہ کر لیا ہے
اور اس کیلئے فنڈز بھی جمع ہوچکے ہیں جسکی وجہ سے جہانگیر خان ترین کو اس بات کا’’ شک‘‘ ہورہا ہے کہ عمران خان کو انکی نااہلی کے حوالے سے پہلے ہی علم تھا جسکی وجہ سے جہانگیر خان ترین نے فوری استعفیٰ دیا اور ان کو منانے کی بھی کوشش کی گئیں مگروہ تمام کوشش ناکام ہوئی ہیں اور اب بھی تحر یک انصاف کا نئے جنرل سیکرٹری کا معاملے نظر ثانی کے فیصلے تک ہولڈ کر نے کا مقصد بھی جہانگیر خان ترین کو منانے کیلئے ہیں اور عمران خان ان کا شک دور کر نے کی کوشش کر یں گے کہ انکو کیس کے فیصلے کے حوالے سے پہلے سے علم نہیں تھا۔
