لاہور(مانیٹرنگ ڈیسک)سابق وزیراعظم نواز شریف اپنی صاحبزادی مریم نواز کے ہمراہ لندن سے پاکستان پہنچ گئے۔سابق وزیراعظم نواز شریف قومی پرواز کے ذریعے علامہ اقبال انٹرنیشنل ایئرپورٹ پہنچے اور جاتی امرا پہنچنےپر ان کی گاڑی پر پھول نچھاور کر کے استقبال کیا گیا۔احتساب عدالت میں 19 دسمبر کو نیب ریفرنسز کی سماعت ہوگی اور نواز شریف
کی عدالت کے روبرو پیش ہونے کا بھی امکان ہے۔دریں اثناء سابق وزیر اعظم نواز شریف کی صاحبزادی و مسلم لیگ (ن) کی مرکزی رہنماء مریم نواز نے وطن واپسی پرسیاسی سرگرمیاں تیزکرنے کا فیصلہ کر لیا ہے،مریم نوازاین اے120 سمیت لاہور میں مختلف حلقوں کے بھی دورے کریں گی، 19 دسمبرکو احتساب عدالت میں پیشی کے بعد باقاعدہ سیاسی سرگرمیوں کا آغاز کیا جائے گا۔
