اسلام آباد (مانیٹرنگ ڈیسک) پاکستان پیپلز پارٹی کے چیئرمین بلاول بھٹو سے محبت کرنے والی لڑکی گیلانی ہاؤس کے باہر پہنچ گئی، تفصیلات کے مطابق بلاول بھٹو سے شادی کرنے کی خواہش مند لڑکی نے ملتان میں گیلانی ہاؤس کے باہر ڈیرے جما لیے ہیں اور اس کا شکایت کرتے ہوئے کہنا ہے کہ مجھے بلاول بھٹو سے ملنے نہیں دیا جا رہا، کرن بلوچ نامی لڑکی کا کہنا ہے کہ میں بلاول بھٹو سے محبت کرتی ہوں اور میں دس سال سے انتظار کر رہی ہوں، اس کا کہنا ہے کہ وہ بلاول بھٹو کے لیے تحفے بھی لے کر
آئی ہے مگر اسے ان سے ملنے نہیں دیا جا رہا۔ اس موقع پر کرن بلوچ نے کہا کہ وہ جلسے میں بھی گئی تھی مگر وہاں بھی اسے ملنے کی اجازت نہیں دی گئی۔ اپنی شادی کے بارے میں پیپلز پارٹی کے چیئرمین بلاول بھٹو کہہ چکے ہیں کہ وہ شادی جب بھی کریں گے اپنی بہنوں کی پسند کی کریں گے۔ واضح رہے کہ اس سے قبل معروف ماڈل قندیل بلوچ نے تحریک انصاف کے سربراہ عمران خان کے لیے ایسا ہی قدم اٹھایا تھا، قندیل بلوچ عمران خان کو شادی کی پیشکش کرنے کے بعد ان کے گھر تک پہنچ گئی تھیں۔
