اسلام آباد (مانیٹرنگ ڈیسک) سپریم کورٹ نے تحریک انصاف کے چیئرمین عمران خان کو اہل قرار دے دیا جبکہ تحریک انصاف کے سیکرٹری جنرل جہانگیر ترین کو نااہل قرار دے کر ایم این اے کی سیٹ سے بھی ڈس کوالیفائی کر دیا ہے، تفصیلات کے مطابق ایک نجی ٹی وی چینل کا کہنا ہے کہ سپریم کورٹ کے اس فیصلے کے بعد تحریک انصاف کے چیئرمین عمران خان نے جہانگیر ترین کو تحریک انصاف کے لیے کام جاری رکھنے کی ہدایات
کی ہیں، وہ بطور سیکرٹری جنرل تحریک انصاف اپنا کام جاری رکھیں گے۔ اس بات کی تصدیق فواد چوہدری نے بھی اپنی میڈیا سے بات چیت میں کی ہے۔ یاد رہے کہ جب سابق وزیراعظم میاں محمد نوازشریف کو عدالت نے نااہل قرار دیا تھا تو تحریک انصاف کی قیادت کی طرف سے ن لیگ سے مطالبہ کیا جا رہا تھا کہ وہ نواز شریف سے علیحدگی اختیار کرے لیکن اب تحریک انصاف اپنے سیکرٹری جنرل کو کام کرنے کا عندیہ دے رہی ہے۔
