اسلام آباد (مانیٹرنگ ڈیسک) پاکستان آرمی چیف جنرل قمر جاوید باجوہ سے فلسطین کے سفیر نے اہم ملاقات کی ہے، تفصیلات کے مطابق آرمی چیف جنرل قمر جاوید باجوہ سے پاکستان میں تعینات فلسطین کے سفیر ابو علی نے ملاقات کی اور مسئلہ فلسطین پر بات چیت کی گئی، آئی ایس پی آر کی جانب سے جاری بیان میں کہا گیا ہے کہ آرمی چیف جنرل قمر جاوید باجوہ سے فلسطین کے سفیر ابو علی نے ملاقات کی اس ملاقات
کے موقع پر آرمی چیف جنرل قمر جاوید باجوہ نے کہا کہ پاکستان فلسطین کے مسئلے پر ہر ممکن تعاون جاری رکھے گا، پاکستان مسئلہ کشمیر کی طرح مسئلہ فلسطین کو تصفیہ طلب مسئلہ سمجھتا ہے، اس موقع پر آرمی چیف نے کہا کہ مسئلہ فلسطین کے لیے پاکستان سیاسی اور اخلاقی حمایت جاری رکھے گا، اس کے جواب میں فلسطین کے سفیر ابو علی نے آرمی چیف کا مسئلہ فلسطین پر حمایت جاری رکھنے پر شکریہ ادا کیا۔
