لاہور(مانیٹرنگ ڈیسک) مستعفی ہونے کا اعلان کرنے والے حکمران جماعت کے تین اراکین اسمبلی کے استعفے تاحال پنجاب اسمبلی سیکرٹریٹ کو موصول نہیں ہوئے۔ذرائع پنجاب اسمبلی نے بتایا کہ استعفیٰ اسپیکر کے نام ہو یا سیکرٹری اسمبلی کے دونوں صورتوں میں اسمبلی سیکرٹریٹ ہی آتے ہیں۔ محمد خان بلوچ، نظام الدین سیالوی اور مولانا رحمت اللہ نے استعفے اتوار کے روز
فیصل آباد میں پیر حمید الدین سیالوی کو جمع کرائے تھے۔اس کے علاوہ دو ارکان قومی اسمبلی ڈاکٹر نثار جٹ اور غلام بی بی بھروانہ نے بھی استعفے جمع کرائے تھے۔اسمبلی قواعد کے مطابق اسپیکر اسمبلی استعفیٰ ٰموصول ہونے کی صورت میں متعلقہ ارکان اسمبلی کو چیمبر میں بلاکر سماعت کریں گے کہ انہوں نے استعفے اپنی رضامندی سے دیئے ہیں ، ان پر کوئی دباو تو نہیں ۔
