اسلام آباد (مانیٹرنگ ڈیسک)امریکی وزیر دفاع نے پاکستان کے دورے کے بعد امریکہ میں اپنی حکومت کو اطلاع دی ہے کہ پاکستان میں جنوری2018میں نئی حکومت آنیوالی ہے لہٰذا امریکہ پاکستان کی نئی حکومت کے ساتھ معاملات چلانے کی تیاری کر ے، سینئر صحافی چوہدری غلام حسین کا دعویٰ۔ تفصیلات کے مطابق سینئر صحافی چوہدری غلام حسین نے

نجی ٹی وی پروگرام میں انکشاف کیا ہے کہ ا مریکی وزیر دفاع نے پاکستان کے دورے کے بعد امریکہ میں اپنی حکومت کو اطلاع دی ہے کہ پاکستان میں جنوری2018میں نئی حکومت آنیوالی ہے لہٰذا امریکہ پاکستان کی نئی حکومت کے ساتھ معاملات چلانے کی تیاری کر ے۔ چوہدری غلام حسین کا کہنا تھا کہ امریکی وزیر دفاع نے امریکہ جو پیغام بھیجا ہے اس میں کہا گیا ہے کہ جنوری 2018ء میں پاکستان کی مرکزی اور صوبائی حکومتیں تبدیل ہو جائیں گی۔ ان کا کہنا تھا کہ خبر مصدقہ ہے جو کسی عام ذرائع سے انہیں نہیں ملی بلکہ امریکی وزیر دفاع کے واشنگٹن بھیجے گئے پیغام کی بنیاد پر ذرائع نے انہیں اطلاع دی ہے۔