اسلام آباد (مانیٹرنگ ڈیسک) پنجاب حکومت کے ترجمان احمد ملک نے پنجاب کے وزیر قانون رانا ثناء اللہ کے موقف سے اختلاف کر دیا ہے، ترجمان پنجاب حکومت نے رانا ثناء اللہ کے موقف سے اختلا ف کرتے ہوئے کہا کہ معاہدے پر اعتراضات کرنے والوں کا موقف درست نہیں ہے، ایک نجی ٹی وی چینل کے مطابق پنجاب حکومت کے ترجمان ملک احمد نے کہا کہ
پاکستان آرمی کا تحریک لبیک کا دھرنا ختم کرانے میں کردار آئینی ہے، یاد رہے کہ رانا ثناء اللہ نے ایک نجی ٹی وی سے بات چیت کرتے ہوئے کہا تھا کہ آرمی چیف کا دھرنا ختم کروانے کے لیے ثالثی میں کوئی کردار نہیں، آرمی چیف قمر جاوید باجوہ نے میٹنگ میں موجود پنجاب کے وزیراعلیٰ میاں شہباز شریف کی بات کی تائید کی اور اسے بہترین آپشن قرار دیا گیا۔
