اسلام آباد(مانیٹڑنگ ڈیسک) وفاقی وزیر قانون زاہد حامد نے رضاکارانہ طور پر اپنا استعفیٰ وزیراعظم شاہد خاقان عباسی کو پیش کردیا ہے۔اعلیٰ حکومتی ذرائع نے بتایا کہ وزیراعظم کی جانب سے آج ہی یہ استعفیٰ منظور کرلیا جائے گا۔خیال رہے کہ گزشتہ روز زاہد حامد نے وزیراعلیٰ پنجاب شہباز شریف سے ایک گھنٹہ طویل اہم ملاقات کی تھی۔ذرائع نے آئندہ 24 گھنٹوں کے دوران زاہد حامد اور ایک خاتون وزیر کے مستعفیٰ

ہونے کے حوالے سے معلومات فراہم کی تھیں۔زاہد حامد نے مؤقف اختیار کیا ہے کہ الیکشن ایکٹ میں ترمیم کے بعد ختم نبوت کے حوالے سے حلف نامے میں ہونے والی تبدیلی میں ان کا براہ راست کردار نہیں تھا اور اسے مشترکہ کمیٹی نے منظور کیا تھا تاہم ملک کو درپیش بحران کے خاتمے کے لیے وہ عہدے سے مستعفی ہورہے ہیں۔حکومتی ذرائع کا کہنا ہے کہ زاہد حامد اپنے استعفے سے متعلق تفصیلی بیان بعد میں جاری کریں گے۔