اسلام آباد (مانیٹرنگ ڈیسک )بنوں میں سکیورٹی فورسز کی گاڑی کے قریب دھماکہ، 3اہلکار شدید زخمی۔ تفصیلات کے مطابق بنوں میں دہشتگردی کی ایک کارروائی میں سکیورٹی فورسز کو نشانہ بنایا گیا ہے ، سڑک کنارے نصب بارودی مواد کے دھماکے میں گشت کرتی ہوئی سکیورٹی فورسز کی گاڑی اس کارروائی میں نشانہ بنائی گئی۔ دھماکے
کے نتیجے میں سکیورٹی فورسز کے 3اہلکار شدید زخمی ہو گئے ہیں ۔ دھماکے میں زخمی ہونے والے اہلکاروں کو طبی امداد کیلئے ہسپتال منتقل کر دیا گیا ہے ۔ دھماکے کی اطلاع ملتے ہی امدادی کارکن اور سکیورٹی فورس کے دستے جائے وقوعہ پر پہنچ گئے۔ سکیورٹی فورس نے علاقے کا گھیرائو کر کے سرچ آپریشن شروع کر دیا ہے۔
