اسلام آباد (مانیٹرنگ ڈیسک) سابق وزیراعظم میاں محمد نواز شریف نے جیل جانے کا اشارہ دے دیا، تفصیلات کے مطابق سابق وزیراعظم میاں محمد نواز شریف نے کارکنان و عہدیداران سے خطاب کرتے ہوئے اشارہ دیا کہ وہ جیل جا سکتے ہیں اس لیے تمام لوگ ذہنی طور پر اس کے لیے تیار رہیں، دن بدن سابق وزیراعظم نوازشریف کی مشکلات میں اضافہ ہوتا جا رہا ہے نئی صورتحال سے اس بات کا ادراک ہوتا کہ اگر حالات ایسی طرح رہے تو میاں محمد نوازشریف جیل جا سکتے ہیں، اس تمام صورتحال کو مدنظر رکھتے ہوئے سابق وزیراعظم میاں

محمد نواز شریف نے اپنے آپ کو ذہنی طور جیل جانے کے لیے تیار کر لیا ہے۔ اس سلسلے میں سابق وزیراعظم نے اپنے خاندان اور پارٹی رہنماؤں سے مشورہ بھی کیا ہے، سابق وزیراعظم نواز شریف کے قریبی ذرائع کا کہنا ہے کہ نواز شریف اپنے موقف سے پیچھے ہٹنے کو تیار نہیں ہے بے شک اس کا نتیجہ جو بھی ہو۔ ذرائع نے دعویٰ کیا کہ گزشتہ روز مشاورتی اجلاس میں میاں محمد نواز شریف بہت پریشان نظر آئے ان کے لہجے میں تلخی تھی، اپنی گرفتاری کا اشارہ دیتے ہوئے انہوں نے کہا کہ اس صورت میں تمام عہدیداران عوامی رابطہ مہم چلائیں۔