لاہور (این این آئی )وزیر اعلیٰ پنجاب محمد شہباز شریف کے صاحبزادے سلمان شہباز نے بھی سیاست میں متحرک ہونے کا فیصلہ کر لیا، خاندان کی طرف سے گرین سگنل ملنے کے بعد اب وہ 2018ء کے عام انتخابات میں بھی حصہ لیں گے ۔ نجی ٹی وی نے ذرائع کے حوالے سے بتایا کہ حمزہ شہباز کے بعد اب وزیر اعلیٰ پنجاب شہباز شریف کے دوسرے صاحبزادے

سلمان شہباز کو بھی خاندان کی طرف سے سیاست میں حصہ لینے کے لئے گرین سگنل مل گیا ہے جس کے بعد انہوں نے بھرپور طریقے سے سیاست میں متحرک ہونے کا فیصلہ کر لیا ہے ۔ ذرئع کے مطابق سلما ن شہباز اب پارٹی امور میں بھی شامل ہونگے اور 2018ء کے عام انتخابات میں بھی حصہ لیں گے ۔