اسلام آباد (مانیٹرنگ ڈیسک) کلثوم نواز کی طبیعت اچانک بگڑ گئی، تشویشناک حالت میں ہسپتال منتقل، مریم نے قوم سے دعائوں کی اپیل کر دی۔ تفصیلات کے مطابق کلثوم نواز کی طبیعت اچانک بگڑ جانے کے باعث انہیں تشویشناک حالت میں ہسپتال منتقل کر دیا گیا ہے۔ مریم نواز کی جانب سے سماجی رابطوں کی ویب سائٹ ٹویٹر پر اپنے پیغام میں والدہ کی طبیعت کی خرابی کی اطلاع دی گئی ۔ اپنے پیغام میں مریم نواز کا کہنا تھا کہ ’امی کو دوبارہ
ہسپتال داخل کروا دیا گیا ہے، دعا کی اپیل ہے‘۔ واضح رہے کہ بیگم کلثوم نواز لندن میں گلے کے کینسر کے علاج کے سلسلے میں مقیم ہیں جہاں ان کی کیمو تھراپی کا ایک سیشن مکمل ہو چکا ہے جبکہ ڈاکٹروں نے دوسرے سیشن کو ان کی صحت میں بہتری سے مشروط کر دیا ہے جبکہ مریم نواز کی جانب سے آج کے اپنے ٹویٹر پیغام میں بیگم کلثوم نواز کی خرابی طبع کی خبر نے ن لیگ اور ان کے خیر خواہوں میں تشویش کی لہر دوڑا دی ہے۔
