اسلام آباد(مانیٹرنگ ڈیسک)معروف مذہبی سکالر اوراینکر پرسن  عامر لیاقت  کا تحریک انصاف میں شمولیت کا فیصلہ ۔میڈیا رپورٹس کے  مطابق معروف مذہبی اسکالر اور اینکرپرسن عامر لیاقت کی جانب سے اعلان کیا گیا ہے کہ وہ 10 برس بعد سیاست میں واپس آ رہے ہیں۔اطلاعات کے مطابق انہوں نے کراچی کے مہاجروں کیلئے ایک سیاسی جماعت میں شمولیت کا بھی فیصلہ کر لیا ہے۔ اس حوالے سے اب پیپلز پارٹی کے رہنما

نبیل گبول نے دعوی کیا ہے کہ عامر لیاقت حسین نے تحریک انصاف میں شمولیت کا فیصلہ کیا ہے۔عامر لیاقت حسین 25 اکتوبر کو عمران خان سے ملاقات کرکے تحریک انصاف میں شمولیت کا اعلان کریں گے۔ یاد رہے کہ آج کل عامر لیاقت اپنی پرانی جماعت ایم کیو ایم کو بھی خاصی تنقید کا نشانہ بنا رہے ہیں۔جوں جوں الیکشن قریب آرہے ہیں جوڑ توڑ کا عمل تیزی سے جاری ہے ،عامر لیاقت کی سیاست میں واپسی بھی اسی کی ہی کڑی  لگتی ہے۔