لندن (مانیٹرنگ ڈیسک)نواز شریف کی لندن میں میڈیا نمائندوں کے سامنے زبان لڑکھڑا گئی ،کیا گفتگو لائیو چل رہی ہے ؟اس سوال کے جواب نے میڈیا نمائندوں نے کہا نہیں ،اب ریکارڈنگ چل رہی ہے اور ساتھ یہ بھی پوچھ لیا کہ دوبارہ کرلیں؟جس پر سابق وزیر اعظم نے کہا جی ہاں،دوبارہ کرلیں۔ہوا کچھ ہوں کہ جب لندن میں سابق وزیر

اعظم میاں نوازشریف نے شعر پڑھنے کی کوشش کی تو زبان لڑکھڑا گئی اور ساتھ ہی یہ پریشانی بھی لاحق ہو گئی کہ کہیں ان کی گفتگو براہ راست ٹی وی پر نشر تو نہیں ہو رہی۔لندن میں وہ پاکستانی میڈیا کے نمائندوں سے گفتگو کر رہے تھے جو ان کے سامنے مائیک سجائے کھڑے تھے۔ سابق وزیراعظم نے اس موقع پر شعر پڑھنا چاہا مگر بھول گئے۔ ان کے پیچھے کھڑے ایک شخص نے تصحیح کرانے کی کوشش کی تو انہوں نے اس کی بات پر کان نہ دھرے اور پریشانی کے عالم میں بے اختیار میڈیا نمائندوں سے پوچھ لیا کہ ”آپ لائیو چل رہے ہیں؟“اس پر میڈیا نمائندوں نے جواب دیا کہ نہیں اب براہ راست نشر نہیں کر رہے اور یہ ریکارڈنگ ہور رہی ہے۔ اور یہ بھی پوچھ لیا کہ دوبارہ کر لیں تو سابق وزیراعظم نے کہا کہ ”ہاں! دوبارہ کر لیں۔“ ان کی یہ ساری گفتگو ٹی و چینلز پر تو نشر نہیں ہوئی لیکن سوشل میڈیا پر ایک ویڈیو تیزی سے وائرل ہو رہی ہے جس میں اس سارے معاملے کو عکسبند کیا گیا ہے