اسلام آباد (آئی این پی) پاکستان تحریک انصاف کے بانی رکن اکبر ایس بابر نے کہا ہے کہ عمران خان کی جمع کرائی گئی تفصیلات میں منی ٹریل اور بینک اکاؤنٹس کا ذکر نہیں ہے‘ عمران خان نے عدالت میں جو ثبوت جمع کرائے ہیں وہ جعلی ہیں‘ عمران خان نے شوکت خانم کو دیئے گئے پیسے بھی پارٹی فنڈنگ میں ظاہر کئے‘ عمران خان کمپنیوں کے ریکارڈ کو ٹمپرکررہے ہیں‘ عمران خان کا الیکشن کمیشن میں تفصیلات چھپانا
اس کا اعتراف جرم ہے۔ پیر کو پارٹی فنڈنگ کیس کی سماعت کے موقع پر الیکشن کمیشن کے باہر میڈیا سے گفتگو کرتے ہوئے اکبر ایس بابرنے کہا کہ تحریک انصاف نے ہائیکورٹ سے تفصیلات خفیہ رکھنے کا کہا ہے۔ عمران خان کا تفصیلات چھپانا اس کا اعتراف جرم ہے۔ عمران خان نے شوکت خانم کو دیئے گئے پیسے بھی پارٹی فنڈنگ میں ظاہر کئے۔ تحریک انصاف عمران خان کی ذاتی جماعت نہیں ہے عمران خان نے عدالت میں جو ثبوت جمع کرائے ہیں وہ جعلی ہیں۔ عمران خان کی جمع کرائی گئی تفصیلات میں منی ٹریل اور بینک اکاؤنٹس نہیں۔ برطانیہ میں تحریک انصاف کا اکاؤنٹ اب بھی کھلا ہے اور پیسے مل رہے ہیں۔ عمران خان کے بیرون ملک سے اکٹھے کئے گئے فنڈز کے ثبوت موجود ہیں امریکہ‘ برطانیہ اور یو اے ای سے فنڈنگ کے ثبوت دیئے ہیں۔ عمران خان کمپنیوں کے ریکارڈ کو ٹمپر کررہے ہیں۔
