اسلام آباد (مانیٹرنگ ڈیسک) پاکستان مسلم لیگ (ن) کے صدر میاں نوازشریف نے ختم نبوت قانون میں متنازع ترمیم کے معاملے پر بنائی گئی کمیٹی کی جانب سے تاحال رپورٹ نہ ملنے پر ناراضی کا اظہار کیا ہے۔حکومت نے انتخابی اصلاحات بل میں ترمیم کی تھی جس میں کاغذات نامزدگی میں ختم نبوت کے حلف نامے میں ترمیم کی بھی نشاندہی کی گئی تھی جس پر شدید احتجاج کے بعد فوری طور پر ترمیم کو واپس لے کر کاغذات نامزدگی کے فارم کو پرانی حالت میں بحال کیاگیا۔
میاں نوازشریف نے اس حوالے سے تحقیقات کیلئے 7 اکتوبر کو راجہ ظفر الحق کی سربراہی میں تین رکنی کمیٹی تشکیل دی تھی جس میں احسن اقبال اور مشاہد اللہ خان بھی شامل ہیں۔نجی ٹی وی کے مطابق میاں نوازشریف نے کمیٹی کے چیئرمین راجہ ظفر الحق کو ٹیلی فون کیا ہے اور تحقیقاتی رپورٹ 24 گھنٹے میں نہ بھیجنے پر ناراضی کا اظہار کیا۔ذرائع کے مطابق نوازشریف نے راجہ ظفر سے استفسار کیا کہ کمیٹی کا کام ابھی تک مکمل کیوں نہیں ہوا جس پر انہوں نے پارٹی صدر کو بتایا کہ احسن اقبال کے بیرون ملک ہونے کی وجہ سے کام میں تاخیر ہوئی
