اسلام آباد(آئی این پی)وزیر اعظم شاہد خاقان عباسی نے مسلم لیگ (ن) کے 11ارکان قومی اسمبلی کی بطور پارلیمانی سیکر ٹری منظوری دیدی۔ذرائع کے مطابق جمعہ کو وزیر اعظم شاہد خاقان عباسی نے 11 ارکان قومی اسمبلی کی بطور پارلیمانی سیکریٹری تعیناتی کی منظوری دی۔ذرائع کے مطابق رکن قومی اسمبلی ملک عبدالغفار ڈوگر کوپارلیمانی سیکر ٹری وزارت سائنس و ٹیکنا لوجی ،چوہدری ارمغان سبحانی کووزارت موسمیاتی تبدیلی ،
غلام محمدلالی کو وزارت برائے دفاعی پیداوار،سردارمنصب علی ڈوگر کو وزارت دفاع،ندیم عباس کو وزارت آئی ٹی اینڈٹیلی کمیونیکشن ،چودھری محمد طفیل کوپارلیمانی سیکریٹری برائے وزارت نجکاری اینڈ کمیشن اور سید محمد اصغر کوپارلیمانی سیکریٹری برائے واٹرریسورسز مقرر کرنے کی منظوری دی ہے۔
