اسلام آباد (مانیٹرنگ ڈیسک) سابق وزیراعظم نوازشریف سے بحریہ ٹاﺅن کے چیئرمین ملک ریاض کی اہم ملاقات۔ تفصیلات کے مطابق نواز شریف سے ملک ریاض کی دو گھنٹوں پر محیط ایک اہم ملاقات ہوئی جس میں باہمی دلچسپی کے امور سمیت ملکی حالات پر بات چیت کی گئی۔ نجی نیوز چینل کے مطابق اس موقع پر
نواز شریف نے پیپلز پارٹی کے رہنما آصف علی زرداری کیلئے اہم پیغام دیا ہے جس کے بعد توقع کی جا رہی ہے کہ دونوں لیڈروں کے درمیان بیرون ملک جلد ملاقات ہو گی جس میں موجودہ سیاسی صورتحال پر آصف علی زرداری کو اعتماد میں لیا جائے گا۔ اس موقع پر عدالتوں میں لگے کیسز سے متعلق بھی نئی حکمت عملی بارے غور و خوض کیا گیا۔
