اسلام آباد (مانیٹرنگ ڈیسک) معروف صحافی و تجزیہ نگار حفیظ اللہ نیازی نے کہا ہے کہ سابق وزیراعظم میاں محمد نواز شریف اور مریم نواز پاکستان آ کر گرفتاری دینے کے لیے تیار ہیں، تفصیلات کے مطابق حفیظ اللہ نیازی نے ایک نجی ٹی چینل کے پروگرام گفتگو کے دوران دعویٰ کرتے ہوئے کہا کہ سابق وزیراعظم میاں محمد نواز شریف اور مریم نواز پاکستان آ کر گرفتاری دینے کے لیے تیار ہیں۔ انہوں نے کہا کہ دونوں باپ بیٹی اپنی گرفتاری یا نیب ریفرنسز سے بالکل بھی خوفزدہ نہیں ہیں۔ انہوں نے دعویٰ کرتے ہوئے کہا کہ دونوں پاکستان ضرور

واپس آئیں گے اور تمام مقدمات کا سامنا بھی کریں گے، اگر انہیں گرفتار کیا جاتا ہے تو اس کے لیے بھی انہوں نے اپنے آپ کو ذہنی طور پر تیار کر لیا ہے ، یہاں یہ بات یاد رہے کہ نیب ریفرنسز کے بعد نواز شریف اور ان کے بچوں کو احتساب عدالت کی طرف سے 19 ستمبر2017 کو طلب کیا گیا تھا لیکن سابق وزیراعظم میاں محمد نواز شریف اور ان کے بچوں نے عدالت کے سامنے حاضر ہونے سے انکار کر دیا تھا۔ واضح رہے کہ اگر شریف خاندان احتساب عدالت میں پیش نہیں ہوتا اور غیر حاضر رہتا ہے تو ان کے وارنٹ گرفتاری جاری ہو سکتے ہیں۔