اسلام آباد (مانیٹرنگ ڈیسک) ریلوے ملازمین تشدد کیس میں مسلم لیگ (ن) کے 3 ارکان اسمبلی کے وارنٹ گرفتاری جاری، تفصیلات کے مطابق ریلوے ملازمین تشدد کیس کی سماعت کے دوران سول جج رفاقت رسول نے سرگودھا سے تعلق رکھنے والے مسلم لیگ (ن) کے تین ممبران اسمبلی کے وارنٹ گرفتاری جاری کر دیے ہیں۔ واضح رہے کہ عدالت نے ممبر قومی اسمبلی حامد حمید، ممبران صوبائی اسمبلی ڈاکٹر نادیہ اور رزاق ڈھلوں کو گرفتار کرکے 9 اکتوبر2017 تک عدالت میں پیش کرنے کا حکم جاری کیا ہے۔ یاد رہے کہ ان تینوں ارکان اسمبلی پر

دوران احتجاج پھاٹک توڑنے کا الزام ہے۔ یاد رہے کہ 31 جنوری 2015 کو مظاہرے کے دوران ریلوے ملازمین پر ان کی طرف سے تشدد کیا گیا تھا، اس تشدد کے بعد تینوں اراکین اسمبلی سمیت 400 افراد کے خلاف مقدمہ درج ہوا تھا۔ عدالت کی طرف سے 2 سال سے بار بار بلائے جانے کے باوجود یہ اراکین پیش نہیں ہو رہے تھے، ان اراکین اسمبلی کی عدم پیشی کی وجہ سے عدالت نے ان کے وارنٹ گرفتاری جاری کیے ہیں اور ڈی پی او سرگودھا کو حکم دیا ہے کہ وہ 9 اکتوبر2017ء کو ان تینوں اراکین کو گرفتار کرکے عدالت کے سامنے حاضر کریں۔