اسلام آباد(آن لائن) وفاقی حکومت نے الیکشن سے ایک سال قبل اپنی جماعت کی سیاسی پوزیشن مضبوط کرنے کیلئے خزانے کے منہ کھول دیئے ترقیاتی منصوبوں کیلئے متعین قوانین کو ختم کردیا نئی پالیسی کے تحت حکومت کسی بھی منصوبے کیلئے کسی بھی وقت رقم جاری کرسکے گی ۔ تفصیلات کے مطابق وفاقی سیکرٹری خزانہ شائد محمود نے اس بات کا انکشاف جمعرات کو ہونے والی سینٹ کی قائمہ کمیٹی برائے خزانہ میں کیا

کمیٹی کا اجلاس سلیم مانڈوی والا کی سربراہی میں ہوا اس موقع پر سیکرٹری خزانہ شائد محمود نے کمیٹی کو بریفنگ کے دوران بتایا کہ حکومت نے موجودہ مالی سال 2017-18ء کے دوران ترقیاتی منصوبوں کیلئے متعین کردہ قوانین کو ختم کردیا ہے جس کے بعد حکومت کسی بھی ترقیاتی منصوبے کیلئے 20فیصد سے زائد کی رقم کسی بھی وقت جاری کرسکتی ہے واضح رہے کہ وزارت خزانہ ایک سال کے دوران اور دوسری سہ ماہی میں 20فیصد اور تیسری اور چوتھی سہ ماہی میں ترقیاتی منصوبوں کیلئے تیس تیس فیصد تک رقم جاری کرسکتی ہے حکومت کی جانب سے اس قانون کو ختم کرنے کا مقصد الیکشن کے پیش نظر ترقیاتی منصوبوں

کیلئے رقم کا زیادہ سے زیادہ جاری کرنا ہے رواں مالی سال کے دوران حکومت نے ترقیاتی بجٹ ایک ہزار ایک ارب کا ترقیاتی بجٹ مختص کیا گیاہے جن میں سے پہلی سہ ماہی ختم ہونے سے پہلے تک 132 ارب کی رقم جاری ہوچکی ہے ۔