اسلام آباد (مانیٹرنگ ڈیسک) سابق وزیراعظم میاں محمد نواز شریف سیاست میں وسیع تجربے رکھتے ہیں، تفصیلات کے مطابق وفاقی وزیر ماحولیات اور مسلم لیگ (ن) کے سینئر رہنما مشاہد اللہ کا کہنا ہے کہ میا ں محمد نواز شریف سیاست میں وسیع تجربے رکھنے والے سیاستدان ہیں اور سیاست میں ان کے برابر کسی کاتجربہ نہیں ہے۔ مشاہد اللہ نے اپنے بیان میں کہا کہ میا ں نواز شریف پہلے بھی جیلوں میں جا چکے ہیں اور اگر انہیں اب بھی جیل ہو جاتی ہے تو انہیں اس کی پرواہ نہیں ہو گی۔ لیگی رہنما نے
چودھری نثار کے حوالے سے سوال پر جواب دیتے ہوئے کہاکہ چودھری نثار علی خان اپنے تحفظات پر بات کر رہے ہیں۔ مشاہد اللہ نے کہا کہ ہر آدمی اپنے انداز سے بات کرتا ہے، سابق وزیراعظم میاں محمد نواز شریف کے پاس وکلاء کی تجربہ کار ٹیم موجود ہے۔ انہوں نے کہا کہ میاں محمد نواز شریف پہلے بھی جیلوں میں جاتے رہے ہیں اور انہیں جیلوں کی پرواہ نہیں ہے، مشاہد اللہ نے کہا کہ ٹیکنالوجی کا دور ہے لوگ کئی سال سے لندن سے پارٹیاں چلاتے رہے ہیں مگر میاں محمد نواز شریف جلد پاکستان واپس آ جائیں گے۔
