اسلام آباد(مانیٹرنگ ڈیسک)روہڑی سیمنٹ فیکٹر میں بارودی مواد کے دھماکے کے نتیجے میں رینجرز اہلکار ، بم ڈسپوزل سکواڈ کے دو اہلکاروں سمیت 6افراد شہید۔ متعدد کے زخمی ہونے کی اطلاعات۔ نجی ٹی وی کے مطابق سکھر میں روہڑی سیمنٹ فیکٹری میں کیمیکل کے ڈرم کے اندر بارودی مواد کو ناکارہ بنانے کی کوشش میں رینجر زہلکار ، بم ڈسپوزل سکواڈ کے دو اہلکاروں سمیت 6افراد

شہید ہو گئے ہیں ۔ پولیس نے شہادتوں کی تصدیق کر دی ہے جبکہ دھماکے کے نتیجے میں متعدد افراد کے زخمی ہونے کی بھی اطلاعات ہیں۔ زخمی ہونے والوں میں چھ رینجرز اہلکار اور فیکٹری کا جنرل مینجر شامل ہیں جنہیں ہسپتال منتقل کر دیا گیا ہے۔ دھماکے کے بعد پولیس اور رینجرز کی بھاری نفری نے فیکٹری کو گھیرے میں لے لیا ہے جبکہ امدادی کارروائیاں بھی جاری ہیں۔