اسلام آباد(آئی این پی) احسن اقبال نے کہا کہ این اے 120 میں عوام نے ترقی کے حق میں ووٹ ڈالا ہے ،پوری قوم کو جمہوریت اور ترقی کے ایجنڈے کی فتح پر مبارک باد دیتا ہوں،این اے 120 میں لوگوں کو اغوا کیے جانے کی تحقیقات کررہے ہیں،ملک میں کھیلوں کے میدان آباد ہورہے ہیں اور ادبی

سرگرمیوں میں اضافہ ہورہاہے،ملک میں عالمی فلم ساز آئے ہیں جن کے تجربات سے فائدہ اٹھائیں گے ،کسی دوسرے کے خلاف دہشتگردی کیلئے اپنی سرزمین استعمال نہیں ہونے دیں گے۔پیر کو احسن اقبال نے میڈیا سے گفتگو کرتے ہوئے کہا کہ ملکی ترقی کا انصار عوام کی تخلیقی صلاحیتوں پر ہوتا ہے۔ پاکستان امن کی جانب بڑھ رہاہے۔ اور ملک میں ساز گار ماحول ہے۔ ملک میں کھیلوں کے میدان آباد ہورہے ہیں اور ادبی سرگرمیوں میں اضافہ ہورہاہے۔ ملک میں عالمی فلم ساز آئے ہیں۔ان کے تجربات سے فائدہ اٹھانے میں مدد ملے گی۔ انہوں نے کہا کہ ملک میں تخلیقی سرگرمیوں سے عالمی سطح پر مثبت تشخص اجاگر ہوگا۔ پوری قوم کی جمہوریت اور ترقی کے ایجنڈے کی فتح پر مبارک باد دیتا ہوں۔ این اے120 میں عوام نے ترقی کے حق میں ووٹ ڈالا ہے۔ ماضی میں بجلی 20 گھنٹے جاتی تھی اور اب 20سے زائد گھنٹے آتی ہے۔ این اے120 میں چند افراد کوکچھ لوگ اغوا کرکے لے گئے ہیں۔لوگوں کے اغوا

کی تحقیقات کررہے ہیں۔ جلد بازیاب ہونگے۔انہوں نے کہا کہ اپنی سرزمین کسی دوسرے ملک کے خلاف ،دہشتگردی کیلئے استعمال نہیں ہونے دینگے۔ دوسرے ملک کی سرزمین پاکستان کے خلاف استعمال ہونا ناقابل برداشت ہوگا۔ پاکستان خطے میں امن کیلئے اپنے اصول پر سختی سے کاربند ہے۔ ہمارا ایجنڈا ترقی

ہے ،معیشت مضبوط ہے تو دفاع مضبوط ہے۔