لاہور(آئی این پی ) وزیراعلی پنجاب شہبازشریف دو روزہ دورے پر ترکی روانہ ہو گئے ، وہ تر ک صدر رجب طیب اردگان سمیت دیگر حکام سے ملاقاتیں کریں گے ، اس دوران باہمی دلچسپی امور اور خطے کی صورتحال پر تفصیلی تبادلہ خیال کیا جائے گا ۔تفصیلات کے مطابق وزیراعلی شہبازشریف دو
روزہ دورے پر ترکی روانہ ہوگئے، لاہور ایئر پورٹ پر پنجاب حکومت کے اعلی حکام نے انہیں رخصت کیا، اپنے دورے کے دوران شہباز شریف تر ک صدر رجب طیب اردگان سمیت دیگر حکام سے ملاقاتیں کریں گے، اس دوران باہمی دلچسپی امور اور خطے کی صورتحال پر تفصیلی تبادلہ خیال کیا جائے گا۔ترکی روانگی سے قبل میڈیا سے مختصر بات چیت کرتے ہوئے وزیراعلی پنجابنے کہاکہ پاکستان اورترکی کے تعلقات نئے دورمیں داخل ہوچکے ہیں، دونوں علاقائی اورعالمی امورپریکساں مو قف رکھتے ہیں،میرے دورہ ترکی سے دونوں ملکوں کے دو طرفہ تعلقات کو فروغ ملے گا۔واضح رہے کہ گزشتہ روز وزیراعلی پنجاب میاں محمد شہبازشریف لندن سے وطن واپس پہنچے تھے ،جہاں انہوں نے لندن کے اسپتال میں زیر علاج کلثوم نواز کی عیادت کی تھی۔
