اسلام آباد(مانیٹرنگ ڈیسک) 20ایبٹ آباد میں20روپے کے تنازع پر ایک شخص قتل۔نجی ٹی وی کے مطابق ایبٹ آباد کے ڈسٹرکٹ ہیڈکوارٹر ہسپتال کے باہر پارکنگ فیس پر تنازعہ ہو گیا۔20روپے کی معمولی پارکنگ فیس پر تنازعہ اتنا بڑھا کہ پارکنگ کے ٹھیکے دار نے فائرنگ شروع کر دی ۔فائرنگ کے نتیجے میں ایک

راہگیر قتل جبکہ 3افراد زخمی ہو گئے۔میڈیا رپورٹس کے مطابق قتل ہونے والا راہگیر مریض تھا جو ہسپتال سے دوا لینے کے بعد گھر جا رہا تھا کہ فائرنگ کا شکار ہو گیا۔فائرنگ کے بعد ملزم فرار ہوگیا جبکہ زخمی افراد کو ابتدائی طبی امداد کے لیے ہسپتال منتقل کر دیا گیا ہے۔پولیس ملزم کی گرفتاری کیلئے جگہ جگہ چھاپے مار رہی ہے۔