اسلام آباد (مانیٹرنگ ڈیسک)پیپلز پارٹی کے سینئر رہنما اعتزاز احسن نے کہا کہ نواز شریف اس بات سے لا پرواہ ہیں کہ وہ توہین عدالت کر رہے ہیں یا نہیں۔ ان کے لیے توہین عدالت بہت چھوٹا مسئلہ ہے۔ توہین عدالت میں سابق وزیر اعظم یوسف رضا گیلانی کو بھی سزا ہوئی۔ نواز شریف لاہور ہائیکورٹ کے فیصلے کے باوجود وکلا کنونشن میں توہین عدالت کرتے رہے۔ان کی پریشانی یہ ہے کہ ان کو توہین عدالت سے نہیں بلکہ ان کیسز

سے خطرہ ہے جن میں انہوں نے جعلسازی کی ہے اور جو احتساب عدالتوں میں چلائے جائیں گے۔ جن میں چودہ ، چودہ سال قید کی سزا ہو سکتی ہے۔ ان کی ایک جعلسازی رسم الخط کیلبری فونٹ والی ہے ۔ جو اس دور میں کمپیوٹر میں موجود ہی نہیں تھا۔ یہ غلطی ان کے وکلا سے ہوئی کہ انہوں نے چیک نہیں کیا کہ یہ فونٹ اس دور میں موجود تھا بھی یا نہیں۔نجی ٹی وی کے پروگرام میں اعتزاز احسن نے مزید کیا کہا آپ بھی سنئے