اسلام آباد(نیوزڈیسک)تحریک انصاف کے اہم رہنما ضیاءاللہ آفریدی نے پارٹی میں طویل عرصے تک اختلافات کے بعد پیپلزپارٹی میں شمولیت کا اعلان کردیا، ضیاءاللہ آفریدی تحریک انصاف کے ان باغی رہنماﺅں میں شمار ہوتے ہیں جو کہ پارٹی پالیسیوں پر کافی عرصے سے کھل کرتنقید کرتے رہے ہیں، گزشتہ روز
اسلام آباد میں پیپلزپارٹی کے چیئرمین آصف علی زرداری سے ملاقات کے بعد ضیاءاللہ آفریدی نے تحریک انصاف چھوڑ کرپیپلزپارٹی شمولیت کا اعلان کردیا، ضیاءاللہ آفریدی نے اس موقع پر تحریک انصاف کی پالیسیوں پر شدید تنقید کی ۔توقع کی جارہی ہے کہ ضیاءاللہ آفریدی جلد ہی پریس کانفرنس میں مزید انکشافات کریںگے۔
