اسلام آباد (مانیٹرنگ ڈیسک) پاکستان تحریک انصاف کے چیئرمین عمران خان نے سابق وزیراعظم بے نظیر بھٹو کے حلقے لاڑکانہ سے انتخاب لڑنے کا فیصلہ کیا ہے، وہ آمدہ الیکشن میں لاڑکانہ سے الیکشن لڑیں گے، اس بات کا انکشاف تحریک انصاف سندھ سپورٹس اینڈ کلچرل ونگ کے صدر فاروق احمد چانڈیو
نے سکرنڈ پریس کلب کے سینئر صحافی کو فون پر بتاتے ہوئے کیا، انہوں نے کہا کہ یہ فیصلہ پی ٹی آئی کی کور کمیٹی کے اجلاس میں کیا گیا ہے۔ عید الاضحٰی کے بعد تحریک انصاف لاڑکانہ میں جلسہ کرے گی۔ امید کی جا رہی ہے کہ اس موقع پر لوگوں کی بڑی تعداد تحریک انصاف میں شمولیت کرے گی۔
