لاہور ( آن لائن) سابق وزیر اعظم نواز شریف کی صاحبزادی مریم نواز نے اعلان کیا ہے کہ وہ لندن نہیں جائیں گی بلکہ لاہور میں ہی این اے 120 کے ضمنی انتخاب کیلئے اپنے والد کی انتخابی مہم چلائیں گی۔نجی ٹی وی کے مطابق مریم نواز سے این اے 120 کے مسلم لیگی کارکنان نے ملاقات کی جس میں انہوں نے شکایات کے انبار لگادیے۔ کارکنوں کی شکایات پر مریم نواز نے ہدایت کی
کہ این اے 120 کے کارکنان اپنی شکایات تحریری طور پر دیں ان کی شکایات کا بھرپور ازالہ کیا جائے گا۔ انہوں نے کارکنوں سے گفتگو کرتے ہوئے یہ بھی کہا کہ وہ لندن نہیں جا رہیں بلکہ این اے 120 میں انتخابی مہم چلائیں گی۔واضح رہے کہ ہفتہ کے روز شریف خاندان کے 5 افراد عید منانے کیلئے لندن گئے ہیں اور افواہیں گردش کر رہی تھیں کہ مریم نواز اور سابق وزیر اعظم بھی لندن جا سکتے ہیں۔
