اسلام آباد (مانیٹرنگ ڈیسک) سینئر صحافی و تجزیہ کار ڈاکٹر شاہد مسعود نے ایک نجی ٹی وی چینل کے پروگرام میں گفتگو کرتے ہوئے کہا کہ شریف خاندان کے افراد ایک ایک کرکے بیرون ملک روانہ ہو رہے ہیں۔ شریف خاندان کے ای سی ایل میں نام تو نہیں ہیں، پھر بھی ان کا خاندان قسطوں میں باہر جا رہا ہے، حمزہ شہباز کی اہل خانہ باہر جا چکی ہیں اس کے علاوہ اسحاق ڈار کی بہو اور نواز شریف کی صاحبزادی اسماء بھی
بیرون ملک چلی گئی ہیں، اس طرح مختلف ائیر لائنوں میں سیٹیں بک کی جاتی ہیں، اب اگلے کچھ دنوں میں منطقی انجام سامنے آ جائے گا،ڈاکٹر شاہد مسعود نے کہا کہ ان تمام باتوں کو آپ اس طرح سامنے رکھیں کہ نواز شریف، آصف زرداری اور الطاف حسین ان تینوں کے درمیان پس پردہ اتحاد ہو چکا ہے، یہ خاموش اتحاد خود کو احتساب سے بچانے کے لیے ہے۔ اس کے علاوہ چھوٹی چھوٹی جماعتیں بھی اس اتحاد کا حصہ بننے والی ہیں۔
