اسلام آباد(مانیٹرنگ ڈیسک) نواز شریف کے آج رات لندن جانے کا امکان ۔نجی ٹی وی کے مطابق سابق وزیر اعظم غیر ملکی پرواز کے ذریعے براستہ دوحہ لندن جائیں گے،ان کے ساتھ شریف خاندان کے کچھ اور افراد بھی ہو نگے۔شریف خاندان کے بیشتر افراد آج صبح لندن کے لیے روانہ ہو چکے ہیں ۔۔یہاں یہ بات یاد رہے کہ نواز شریف کی اہلیہ بیگم کلثوم نواز کو کینسر کی تشخیص ہوئی ہے

جس کے باعث تقریباً پورا شریف خاندان لندن پہنچ رہا ہے ،حسن ، حسین نواز اور حمزہ شہباز پہلے ہی لندن میں موجود ہیں اور بتا یا جا رہا ہے مریم نواز بھی جلد ہی لندن کے لیے روانہ ہو جائیں گی ۔آج صبح حمزہ شہباز کی بہن ،اہلیہ ،بچے اور بھائی سلمان شہباز بھی لندن کے لیے روانہ ہو گئے ہیں ۔جبکہ نواز شریف کی چھوٹی بیٹی اسماءعلی بھی قومی ائیر لائن کی پرواز پی کے 757کے ذریعے لندن روانہ ہو گئی ہیں۔