لاہور (مانیٹرنگ ڈیسک) عامر لیاقت اور ساجد حسن کے بعدمسلم لیگ ن کے رہنما شیخ وقاص اکرم نے بھی بول نیوز کو خیر باد کہہ دیا۔میڈیا رپورٹس کے مطابق بول نیوز پر تحریک انصاف کے سینئر رہنما شفقت محمود، پیپلز پارٹی وسطی پنجاب کے صدر قمر زمان کائرہ اور مسلم لیگ ن کے شیخ وقاص اکرم ” اب پتہ چلا“ کے نام سے سیاسی پروگرام کرتے تھے تاہم اب شیخ وقاص اکرم نے بول نیٹ ورک کو خیر باد کہہ دیاہے۔اپنے ٹوئٹر پیغام میں شیخ وقاص اکرم نے کہاکہ ” میں نے بول نیٹ ورک چھوڑ دیا ہے،
اب بول پر ہونے والے پروگرام کا حصہ نہیں رہوں گا۔ میڈیا آرگنائزیشن کو پروفیشنل طریقے سے چلانا اتنا بھی آسان نہیں ہے۔ یہ میری فیلڈ نہیں ہے۔۔واضح رہے کہ اس سے قبل ڈاکٹر عامر لیاقت حسین نے کچھ روز پہلے بول نیوز کو خیرباد کہا ہے ، انہوں نے لائیو پروگرام کے دوران اپنا استعفا دیا تھا۔ ان کے بعد سینئر اداکار ساجد حسن جو کہ سہہ پہر تین بجے پروگرام کیا کرتے تھے انہوں نے بھی بول نیوز چھوڑ دیا تھا۔شیخ وقاص اکرم کی جانب سے کئے گئے ٹوئٹ کا عکس جس سے ان کی جانب سے کئے گئے فیصلے سے متعلق علم ہوا۔
I just quit @BOLNETWORK.Will not be part of program anymore. Running media org professionally is not anyone’s cup of tea. Not my field
— Sheikh Waqqas Akram (@SheikhWaqqas) August 25, 2017
