اسلام آباد (مانیٹرنگ ڈیسک) سابق وزیراعظم نواز شریف کے ایوان اقبال میں وکلاء کنونشن میں خطاب کے دوران گو نواز گو کے نعرے لگ گئے۔ تفصیلات کے مطابق جب سپریم کورٹ کی طرف سے نااہل کیے گئے سابق وزیراعظم نواز شریف وکلاء کنونشن سے ایوان اقبال لاہور میں خطاب کر رہے تھے اس وقت اچانک کچھ وکلاء نے گو نواز گو کے نعرے لگانا شروع کر دیے، اس دوران
سابق وزیراعظم نے ان کے نعروں کی پرواہ نہ کرتے ہوئے اپنا خطاب جاری رکھا، ان کے خطاب کے دوران مسلسل وکلاء نعرے بازی کرتے رہے۔ کچھ تو وزیراعظم نواز شریف کے نعرے لگا رہے تھے، کہہ رہے تھے کہ دیکھو دیکھو کون آیا شیر آیا شیر آیا، مگر ان کے خطاب کے دوران دلچسپ صورتحال اس وقت پیدا ہوئی جب کچھ وکلاء نے گو نواز گو کے نعرے لگانا شروع کیے۔
